Employers click here to Advertise . . . . . . . Get the Wok i Kik Email . . . . . . . . Like us to get the latest jobs in Facebook

Search wokikik for Vanuatu jobs

Sunday, May 14, 2017

6933 Transleita/Rivaesa Franis/Bislama

Language Services Department 

Industry:
Government Department
Location: 
Port Vila, Vanuatu
Job Hours:
Kontrack - 6 Manis
Due Date:
24-Mei-17



Job Description: 

Blong spidimap translesen i go long Franis mo Bislama blong ol hip blong dokiumens we oli wet yet long translesen, Langwis Seves Dipatmen (LSD) we i stap anda long Ministri blong Praem Minista, hemi stap lukaotem tu (2) man o woman we oli kwalifae blong save tekem, anda kontrak blong 6 manis (we oli save riniu), ol posisen ia:

 Namba blong         Posisen
Taetol blong Posisen
Salari Skel
Salari long wan Yia
Ples blong Wok

Transleita/Rivaesa Franis/Bislama
HOs 4.0
1,411,200 VUV
Port Vila

Transleita/Rivaesa Franis/Bislama
HOs 4.0
1,411,200 VUV
Port Vila

Criteria:
Seleksen blong ol kanidet bae i folem ol kraeteria andanit ia:
Kwalifikesen:
  • Diploma o digri
Speselaesesen:
  • Langwis, loa o eni narafala eria we i rileit long posisen ia
Eksperiens:
  • Minimum blong 3-5 yia eksperiens long ius blong langwis (Inglis, Franis mo Bislama), long andastanding mo raeting blong ol teks, long translesen o eni narafala eria we i rileit long posisen ia
Save, Kapasiti mo Skil:
  • Gudfala save blong ol rul blong grama long Inglis mo Franis
  • Mas save raetem wan sentens we i lojikol
  • Mas save raetem ol teks we man i save andastanem
  • Mas gat kapasiti blong harem save wan teks long Inglis mo Franis
  • Mas gat skil blong analaesem ol teks long Inglis mo Franis
  • Mas gat skil blong mekem moa risej
  • Mas save transleitem wan teks long Inglis i go long Franis mo Bislama
  • Mas gat skil blong iusum kompiuta
Spesel Skil:
  • Skil blong karemaot risej insaed long ol diksinare, ensiklopedia, ofisol gaset mo ol narafala sos we i stap insaed long wan laebri
  • Skil blong karemaot risej insaed long Intanet
  • Skil blong rid tru mo rivaesem ol teks we wan narafala ofisa i raetem
  • Mas save rispektem ol instraksen mo ol detlaen
  • Mas save tekem gudfala desisen
  • Mas gat skil blong manejem gud taem mo wok
Skil blong Komunikesen mo Pesenol Rilesensip:
  • Mas gat gudfala skil blong toktok, raet mo rid. Mas save wok long tim
Bihevia:
  • Komitmen, panktualiti, honesti, konfidens, rilaebol mo profesonol
Langwis:
  • Mas mastarem gud Inglis, Franis mo Bislama.

Salary:

Wan Yia - 1,411,200 VUV

Language:

Inglis, Franis, Bislama

How To Apply:

Ol woman tu oli save aplae olsem ol man. Gavman blong Vanuatu i rikwaerem se, insaed long wan aplikesen, i mas gat wan leta blong aplikesen, wan Fom blong Askem Wok blong PSC (PSC Form 3-2) we kandidet i mas fulumap gud, ol kopi blong ol kwalifikesen mo ol referens blong kandidet mo wan CV blong hem.

Ol kandidet oli mas mekem aplikesen blong olgeta folem Fom blong Askem Wok blong PSC (PSC Form 3-2), mo sendem i go long Acting Daerekta, Langwis Sevis Dipatmen, PMB 9038, Port Vila, Vanuatu, bifo 4.30 pm long Wednisdei 24 Mei 2017.

Blong kasem moa infomesen mo blong tekem wan pakej blong infomesen konsenem ol posesin ia, plis kontaktem Ofis Maneja blong Dipatmen, Dora Georges, long telefon namba 33355, VOIP 3411 o imel long dgeorges@vanuatu.gov.vu

Contact Person:

Acting Daerekta

Phone:

(+678) 33355
Address: 

Acting Daerekta, Langwis Sevis Dipatmen, PMB 9038, Port Vila, Vanuatu

Email:

Not Stated


Website:
 Not Stated
______________________________________________________________
Source:
             12-May-17 Direct from Employer

For further information on the above Vanuatu job please see the source or contact the employer directly.